報告-【TOPick好物試用】太子酒店SAVVY全新分享套餐(4人份)包加1服務費 (價值$1,595)(8份)
發布時間： 2024/05/03 12:02
最後更新： 2024/05/03 12:06
試用專員: Law Hiu Ming
一入到Savvy 發現原來是咁大，空間感十足，環境寛敞地方坐得舒服，我地就試食左四人餐：
小食： 泰式海蝦柚子沙律 - 非常清新開胃既沙律，海蝦爽口，令人食脂大動
印尼沙嗲串 （雞或牛）- 每樣兩串 點上沙嗲醬夠曬惹味
湯： 之後來到打卡一流 吸睛既「虹吸」泰式大頭蝦冬蔭功，望住店員用虹吸方法將海鮮同香葉精華煲滾，再將湯倒入材料中，賞心悅目，而且湯保持溫度，味道濃郁非常好飲
最後來到主菜： 大連鮑魚拼盤拉三文魚柳，鮑魚夠曬大隻爽口，超正！三文魚好食，配上小蘆荀，正呀 澳洲 M5 和牛西冷牛排，入口超腍，配上黑椒、燒肉同洋蔥梨汁三款醬汁、梗有一款啱自己 最後仲有忌廉菠菜與薯條，夠曬飽肚
四人都覺得yummy 唯一美中不足，店員不夠、服務麻麻，菜式等好耐先有!
試用專員: tang koon ho
在海港城內享用的SAVVY全新分享套餐(4人份)，每一道菜餚都美味可口。
首先是前菜泰式海蝦柚子沙律，柚子酸酸辣辣，海蝦新鮮彈牙；印尼沙嗲串，充滿炭香味。之後是我最期望的「虹吸」泰式大頭蝦冬蔭功，看著用上創新的虹吸咖啡壺方式烹調，由蒸氣壓力推動熱水移動，釋放出香草、香茅和香料的味道，使湯濃郁香辣得有層次感，酸酸辣辣的湯鮮美開胃。到主菜環節，有大連鮑魚拼盤、鐵板燒挪威三文魚柳、澳洲M5和牛西冷牛排、忌廉菠菜及扭扭薯條配黑松露醬。每款都各具特色，能夠帶出食物本身的滋味。
整體的用餐環境型格，服務貼心有體，絕對值得下次再來！
試用專員: Lam Yuen ping
開心可以品嚐SAVVY, 一開始打電話去訂位時, 打左幾次都無人聽電話, 再改為上網訂, 最後一日先有人confirm!不過去到餐廳, 職員服務一流, 非常細心, 又幫忙換碟!
前菜: 泰式海蝦柚子沙律, 相信你見到照片都發現太多汁了, 搞到一pat pat, 口感不太理想, 反而印尼沙爹串, 保持水準, 熱辣辣好好食
之後到 「虹吸」泰式大頭蝦冬蔭功, 賣相一流, 可惜草菇有沙, 扣了一點分數, 已同職員反映, 佢地可以幫我地更換, 不過我地不用了, 希望下次再品嚐會有改善!
反而主菜好有特色, 大連鮑魚彈口好食, 魚都好新鮮, 澳洲M5和牛西冷不錯, 好淋好食, 仲細心配上不同醬汁, 曾添惹味, 加埋薯條同波菜等配菜, 非常飽~
當天有promotion, 我地叫左兩杯白酒, 價錢味道不錯, 整體來說已有八十分~
試用專員: WAN KIN YIN
我同朋友上周末去試「SAVVY全新分享套餐」，有肥美清甜的鮑魚及鐵板印度香烤拼盤，由圓柱形印度土窯爐炮製，異國風味十足。
還有鮮嫩多汁的烤牛扒，啖啖肉汁令人心曠神怡，滋味滿足！最特別冬蔭功以虹吸咖啡壺方式創意呈現，透過加熱及冷卻載滿香料、香茅和香草的咖啡壺，讓冬蔭功湯的香濃精萃發揮至極致，入口更濃郁香辣。好啱好辣既我哋食。
SAVVY推出全新餐融合了豐富多樣的口味和質感，締造難忘的舌尖美食體驗。每一款味道都好獨特，好啱一家大細及朋友聚餐，嘢食好啱口味，一定要親自品嘗先體會到，食過一定返尋味！絕對冇介紹錯，大家一齊去試試....
試用專員: Chiu Tsz Yan
好開心可以去SAVVY試食呢個(3-4人份)分享套餐，整體而言環境優美頗為寧靜、工作人員面帶笑容，服務周到，滿載而歸! 整體我會比7.5/10分! 食品評價如下:
印尼沙爹串:
有雞肉及牛肉，雞肉嫩滑，配上沙爹醬，充滿風味
泰式海蝦柚子沙律:
非常清爽，柚子完全不酸不苦澀，很清甜! 蝦都非常爽口。如果無芫荌會更好味，哈哈!
招牌「虹吸」泰式大頭蝦冬蔭功:
呢個最適合打卡用，用咖啡壺倒冬蔭功湯到碗中。冬蔭功湯適合港人口味，微辣不太酸，香味充足，每喝一口泰式香氣都在口中蕩漾，蝦亦一如以往爽口好味。
大連活鮑魚:
6頭鮑魚，非常爽口彈牙，讚!
鐵板燒挪威三文魚柳:
出乎意料好食，三文魚非常香嫩，尤其中心位置食到三文魚最RAW的質感!
忌廉菠菜及扭扭薯條:
正常發揮，配合4款醬汁，好食!
澳洲M5和牛西冷:
充滿牛肉香氣，不錯!
出開尖沙咀，會帶更多朋友去SAVVY食! 好味又唔算好貴，仲可以坐好耐慢慢傾計!
試用專員: 史皓熙
多謝TOPick 選中了我可以一家去品嚐 SAVVY全新分享套餐(4人份) 走進SAVVY 已給人一種很relax & chill 的感覺, 坐位寬敞, 樓底很高, 伴著音樂….雅緻舒服
頭盤是泰式海蝦柚子沙律味道清新, 柚子清甜; 印尼沙爹串炭燒很有風味, 配以白色小米糕, QQ彈彈. 我特別喜愛雞串燒; 更特別的是SAAVY招牌「虹吸」泰式大頭蝦冬蔭功 - 上桌前, 個湯會事先在壺翻熱, 再在盛滿湯料的碟子熱燙燙的上碟, 很特別. 我自己很欣賞鐵板燒挪威三文魚柳配大連活鮑魚都很鮮嫩, 鮑魚爽彈入味, 三文魚外脆內熱多汁, 幸福滿滿! 我的家人和孩子就很喜愛澳洲M5和牛西冷，忌廉菠菜和扭扭薯條, 當日吃得開心有滿足!
試用專員: 伍慧兒
今次好幸運可以試食太子太子酒店SAVVY的全新4人分享套餐，我最欣賞餐廳環境，又靚又chill，最適合同朋友一齊一路享受美食，一路傾計。
頭盤的泰式海蝦柚子沙律不但口感清新，帶有少許酸辣的味道更加令人開胃，海蝦亦十分新鮮。印尼沙爹串十分有風味，美中不足的是，牛肉串口感稍差，雞串則較出色，不但風味十足，而且肉質較佳。
「虹吸」泰式大頭蝦冬蔭功亦是一道帶來驚喜的菜式，不但打卡一流，而且十分迎合到香港人口味。
而我同朋友都最欣賞及覺得有驚喜的就是鐵板燒挪威三文魚柳配大連活鮑魚及澳洲M5和牛西冷，先講板燒挪威三文魚柳配大連活鮑魚，三文魚柳肉質口感都上承，鮑魚鮮嫩爽口，各方面都處理得十分出色，感受到幸福的味道。澳洲M5和牛西冷亦煎得剛剛好，入口即化，調味同醬汁都十分出色，完全能夠帶出和牛的風味和口感。
